1. Eröffnig

Alli sind so froh da,

im Zirkus Arche Noah.

Fridlich isch die Wält                      

bi üs im Zirkuszält,

fantastisch und au guet,

si bringt üs allne Muet.

1. Es git Tier und Mänsche, die läbed würgli schlächt.

E Hufe liided, andri stärbed, nei, das isch nüd rächt!

Zum Glügg git’s da e Arche, si git üs Fröhlichkeit.

Me findet wider Hoffnig, au Trost und Zfrideheit.

2. Üsri Wält isch grausam, so stärbed Tier oft uus.

Me mues si schütze, mues si rette, dafür bruucht’s es Huus!

3. Da git’s schlimmi Gschichte vu Not und Hufe Leid.

Im Zirkus cha me mängs vrgässe mit viil Spass und Freud.

Begrüessig

Beide: Mir dörfed Si begrüsse, bin dr Noah, und ich bin sini Frau.

 Dr Zirkus Arche Noah, der zeigt e tolli Schau.

 Vu dr Bibel sind mir bekannt, Jetzt si mer wider uf dr Wält,  

 sind nümme uf emne Schiff, mir sind im Zirkuszält.

Frau:   Üsers Programm isch fantastisch und mängmal originell.

Noah:  Si findet fascht nur Tier, und mängs isch speziell.

Frau:   E Hufe vo dene Tier händ gläbt i grosser Not.

Noah:  Mängi sind fascht gstorbe, sind dusse sehr bedroht.

Beide: Ietz läbed si i dr Arche, händ Glück, es gaht ine guet.

 Si müend da nüme liide, händ Spass und nüüe Muet.

Noah:  Dr Aafang mached  d’Affe zäme mit Giraffe.

Frau:   Mit Chraft und grossem Iisatz wärded si viil schaffe.

Noah:  D’Affe händ gläbt im Rägewald, me holzt in ständig ab.

Frau:   Si vrlüüred so ire Läbesruum, d’Nahrig isch da knapp.

Noah:  Doch ietz sind si bi üs, vrgässed die bösi Ziit.

Beide: Mir säged: Manege frei, es isch jetzt so wiit!

2. Giraffe und Affe

Giraffe, tönd schaffe.

Es hälfed au Affe  

im Zirkus uufstelle,

es sind tolli Gselle.

Und wider abruume,

drbii nüüt vrsuume.

Si buued da uuf,

es bruucht hufe Schnuuf.

3. Pingu - Orchester